In Suid-Afrika is meertaligheid nie net ‘n realiteit nie, dis ‘n voorreg. Dis immers net in ons pragtige land waar burgers en besoekers kan spog met 11 amptelike tale. Terwyl Afrikaans altyd ons liefling-taal sal wees en bly, omarm ons daarom meertaligheid en wil ons jou graag bemagtig om meer van ons landstale te bemeester. Na die sukses van ons Zoeloe-reeks saam met Pietie Beyers, is dit met groot opwinding dat ons nou ook ‘n Sesotho-reeks bekendstel saam met die merkwaardige Pulane Nel-Sekepe. Episodes sal weekliks vanaf 9 September 2021 beskikbaar wees, met 8 episodes wat tans beplan word.
Waarom Ke Bala Sesotho? Dit beteken “ek leer Sesotho” … kom leer saam!
Les 1 – Groetvorme
Laai vandag se les af, klik hier.
Meer oor jou aanbieder en onderwyser: Pulane Nel-Sekepe is ‘n bekende aanbieder, aktrise, en entrepreneur. Sy is passievol oor Suid-Afrika en ons mense, veral ook oor die bemagtiging van vroue. Sy is getroud met Tian Nel en praat 5 van ons amptelike landstale. Klik hier om haar op Instagram te volg.
