Afrikaans.com

Wie is ons?

In 2015 is daar ’n saadjie geplant en het ’n klein groepie saamgesit om te besluit wat hulle kon doen om hierdie pragtige taal se beeld af te stof en opnuut ’n passie vir Afrikaans onder sy sprekers te laat ontstaan. Hulle het geweet dit moes ’n saamkomplek wees vir almal wat lief is vir die taal. Dit was ook belangrik dat almal moes tuis voel, ongeag hoe hulle Afrikaans klink, want dit was juis hierdie diversiteit en verskillende vorme wat die taal in die monde van sy sprekers aanneem, wat hulle wou verken, omarm en vier.

Sedert 2016 het Afrikaans.com amptelik begin gestalte gee aan hierdie droom en groei ons nog steeds. Ons luister na ons sprekers, ons sien waar die leemtes is en werk onverpoos daaraan om ’n verskil te maak.

By Afrikaans.com gaan dit oor diegene wat elke dag leef in Afrikaans, wat trots is op hul taal en kultuur, maar dis ook vir elkeen wat belangstel en meer wil leer oor die taal en sy sprekers. Daarom streef ons na inklusiwiteit en ’n moderne en relevante aanslag waardeur ons beïnvloed, inlig, ondersteun, onderrig en inspireer.

Dit gaan oor die organisasies wat die taal bevorder en geleenthede wat die taal vier.   Dit gaan daaroor dat Afrikaans op alle vlakke sal aanhou groei en gedy. Daarom is ons jonger eerste- en tweedetaalsprekers een van ons hooffokusse en spits ons ons toe op die bevordering van moedertaalonderrig. Juis omdat ons glo dat dit die jonger generasie is wat kan help skryf aan die toekoms van Afrikaans – mits ons hulle aanhou bemagtig.

Blaai gerus deur die webtuiste vir alles oor Afrikaans… in Afrikaans.

Afrikaans.com-span

Milanie Vosloo

Milanie Vosloo
Projekbestuurder
mv@uppe.co.za

Nicolette Kritzinger

Nicolette Kritzinger
Webredakteur
nicolette@uppe.co.za

Rene Arendse

René Arendse
Gemeenskapskoördineerder
rene@afrikaans.com

Kelly Forsyth

Kelly Forsyth
Kunshoof
kelly@uppe.co.za

Verona Coetzer

Verona Coetzer
Tegniese bestuurder
verona@uppe.co.za

Annelie van Jaarsveldt

Annelie van Jaarsveldt
Hoof: Mediaskakeling
avjhome@mweb.co.za

Kontak ons gerus by myafrikaans@afrikaans.com vir meer inligting.

Projekte

Afrikaans.com Projekte

Organisasies vir Afrikaans

Afrikaans.com Organisasies

Verskilmakers

Afrikaans.com Verskilmakers