Afrikaanse Intelligensie

Slim. Maklik. In jóú taal.

Afrikaans.com stel met trots ‘n eerste in sy soort bekend: Afrikaans.ai – ’n kragtige digitale funksionaliteit wat kunsmatige intelligensie en websoektogte bymekaarbring … alles op een plek … in Afrikaans!

Afrikaans.ai is veel meer as net ’n KI-hulpmiddel. Dis ’n slim funksionaliteit wat:

  • Inligting van verskeie aanlyn bronne kombineer om vinnig volledige antwoorde te bied.
  • Antwoorde in maklik, verstaanbare Afrikaans weergee.
  • Bronne duidelik uitwys sodat jy verder navorsing kan doen.
  • Jou toelaat om te kies tussen websoektogte en KI-gegenereerde insigte.
Twee slim maniere om te soek
  • Wêreldwye Web: Met hierdie funksionaliteit kan jy die algemene web deursoek.
  • Kunsmatige Intelligensie: Hierdie funksionaliteit laat jou toe om inhoud te skep, bestaande inhoud te verkort, antwoorde te genereer, en vele meer.

Of jy nou ’n ouer, ’n onderwyser of ’n student is of net nuuskierig is oor die wêreld om jou – Afrikaans.ai is vir jou.

Wees een van die eerstes om hierdie nuwe era van Afrikaanse intelligensie te ontdek.

Gebruik Afrikaans.ai

Let wel

  • Afrikaans.ai onderneem om die gebruiker se persoonlike inligting, wat van die gebruiker verkry is in ooreenstemming met die bepalings van die Wet op die Beskerming van Persoonlike Inligting (Wet Nr 4 van 2013), te beskerm. 
  • Afrikaans.ai verklaar dat die inligting wat die gebruiker deur hierdie soekenjin verkry, gebaseer is op bronne wat deur Afrikaans.ai gekies is, maar Afrikaans.ai en sy eienaar aanvaar nie verantwoordelikheid vir die akkuraatheid van die inligting of dat die inligting aan die gebruiker se vereistes sal voldoen nie.
Het jy nog vrae?

Waarvoor staan Afrikaans.ai?

AI is die Engelse afkorting vir “Artificial Intelligence”, maar omdat hierdie soekenjin Afrikaans is, noem ons dit “Afrikaanse Intelligensie”. Afrikaans.ai bied verskeie soekfunksionaliteite, wat nie net tot kunsmatige intelligensie beperk is nie.

Wat maak Afrikaans.ai anders as ChatGPT?

Hierdie hulpbron is geskep om jou te help om vinniger by die regte antwoorde uit te kom en om jou soektog te vergemaklik – alles op een plek!

Die filteropsies stel jou in staat om op een plek te navigeer tussen die Wêreldwye Web en Kunsmatige Intelligensie. Die aard van antwoorde en die bronne tussen hierdie twee opsies, is dikwels verskillend.

Dit het dus ’n soortgelyke funksionaliteit as ChatGPT, maar dit sluit ook addisionele funksionaliteite in wat jy op ’n soekenjin soos bv. Google sal kry, maar in Afrikaans.

Die doel is om jou vinniger by een antwoord uit te bring en die antwoord uit verskillende bronne in Afrikaans te formuleer (waar toepaslik). Dit stel jou in staat om self verdere ondersoek in te stel en navorsing te doen deur die bronne te raadpleeg of addisionele bronne na te slaan.

Is Afrikaans.ai 100% akkuraat?

Daar is ’n moontlikheid dat sekere antwoorde of die taalgebruik onakkuraat kan wees. Onthou, Afrikaas.ai is nie ’n mens nie, maar ’n algoritme. Dit word slimmer soos wat mense dit gebruik.

Alhoewel alle pogings aangewend is om te verseker dat die inligting wat deur die gebruiker deur hierdie soekenjin verkry is akkuraat is, aanvaar Afrikaans.ai en sy eienaar en uitgewers geen verantwoordelikheid vir enige handeling, weglating, verlies, skade of die gevolge daarvan wat veroorsaak is deur die vertroue deur enige persoon op die inhoud verkry deur die soekenjin nie, en die gebruiker aanvaar verantwoordelikheid vir enige skending van kopiereg wat voortspruit uit die gebruik van die soekresultate.

Hoe gebruik Afrikaans.ai die vrae/inligting wat gebruikers invoer?

Ons wil die akkuraatheid van die soekenjin voortdurend verbeter – as ons weet wat gevra word, kan ons verbeter op ons antwoorde.

Kan ek Afrikaans.ai aanhaal as ’n bron?

Ongelukkig nie. Soos met Wikipedia, Google, en ander soekenjins, is dit ’n hulpbron wat jou na bronne herlei. Antwoorde word saamgestel uit ’n versameling van ander bronne (wat steeds dien as die oorspronklike bron). Net soos wat dit nie akademies aanvaar word om ander soekenjins as bronne aan te haal nie, geld dieselfde reël vir Afrikaans.ai. Jy kan wel die bronne waarheen jy verwys word, verder ondersoek en aanhaal.

Waarvoor gebruik julle my persoonlike inligting in die optekenproses?

Dis vir ons belangrik om ’n oorsig te hê van wie hierdie platform gebruik, sodat ons die gebruikerservaring voortdurend kan verbeter en uitbou. Maar moenie bekommerd wees nie – jou inligting is veilig by ons.

Afrikaans.ai onderneem om die gebruiker se persoonlike inligting wat van hom/haar verkry is te beskerm, in ooreenstemming met die bepalings van die Wet op die Beskerming van Persoonlike Inligting (Wet nommer 4 van 2013). Die data wat deur Afrikaans.ai versamel word, word gebruik om gebruikersbehoeftes en -tendense te analiseer om’n meer volledige aanbod daar te stel.