Baie geluk aan die Skilder met Woorde-kompetisie se top-10!

Ons is baie trots om vandag die top-10-kunswerke vir die laer- en hoërskole bekend te maak.

Afrikaans.com het dié kompetisie vanjaar weer saam met die kunstenaar Elsie Jooste aangebied.

Sy meen elke skildery vertel ’n storie – soms was dit vrolik en speels, soms diep en nadenkend, maar telkens was daar ’n persoonlike boodskap en ’n unieke kreatiewe stem.

“Wat ons veral geraak het, was om te sien hoe die leerders die woorde van liedjies in beelde kon omskep.”

“Hulle het bewys dat musiek nie net iets is wat ’n mens met jou ore hoor nie. Liedjies kan jou laat voel, dink, onthou en droom – en hierdie jong kunstenaars het daardie gevoelens met verf en kleur op doek vasgevang.

Baie geluk aan die volgende leerders wat deel is van ons top-10 (in geen spesifieke volgorde nie). Daar is ’n aparte top-10 vir hoërskool- en laerskoolleerders.

Let wel dat elke inskrywing benader is op grond van die ouderdomskategorie waarin die leerder val en daarom beoordeel is op grond van wat van ’n leerder op daardie ouderdom verwag word.

Vanjaar is daar kontantpryse van R28 000 op die spel.

LAERSKOOL:

Eerste prys: R3 000 (Die skool waarin die betrokke leerder is, sal ook wegstap met R8 000.)

Tweede prys: R2 000

Derde prys: R1 000

HOËRSKOOL:

Eerste prys: R3 000 (Die skool waarin die betrokke leerder is, sal ook wegstap met R8 000.)

Tweede prys: R2 000

Derde prys: R1 000

Die wenners word Vrydag 4 September aangekondig.

Hier is die top-10-inskrywings vir Hoërskool (in geen spesifieke volgorde nie):

Hier is die top-10-inskrywings vir LAERSKOOL (in geen spesifieke volgorde nie)