Kom luister saam!
Welkom by Luister dit, Afrikaans.com se podsendingsreeks wat gesprekke voer wat saak maak in die Afrikaanse leefwêreld.
Hier gesels ons oor taal, opvoeding, kultuur, ouerskap, tegnologie en die wêreld waarin ons kinders én gemeenskappe vandag leef.
In ’n tyd waar alles vinniger verander as ooit tevore, wil ons ’n ruimte skep vir eerlike gesprekke, nuwe perspektiewe en praktiese insigte wat mense bemagtig.
Aanbieder, René Arendse, is ‘n bekende gesig in die Afrikaanse leefwêreld en bring ‘n interessante perspektief na dié gesprekke.
Episode 3: Kos wat stories vertel
Yolani Abrahams het kos in haar eie unieke taal omskep. As sjef, entrepreneur en bekende naam in die Afrikaanse koswêreld druk sy haar stempel af op sosiale media, televisie en in haar restaurante.
Agter elke stylvolle bord skuil daar egter meer as net goeie bestanddele: daar is passie, erfenis en ’n opregte liefde vir dít wat mense om ‘n lekker bord kos bymekaarbring.
Episode 2: Hoe weet ons nog wat is die waarheid?
Ons leef in ’n tyd waar tegnologie nie meer net inligting versprei nie; dit kan dit ook skep, manipuleer en selfs namaak.
Afrikaans.com gesels met Gustaf Tempelhoff, waarnemende direkteur van die Virtuele Instituut vir Afrikaans. Hy werk op die kruispunt van taal, tegnologie en digitale ontwikkeling, en help om die rol van Afrikaans in ’n vinnig veranderende digitale wêreld te vorm en verstaan.
Episode 1: Hoe maak ons lees weer lekker vir kinders?
Hoe maak ons lees weer lekker vir kinders in ’n wêreld van skerms, kort aandagspanne en konstante afleiding? Hierdie episode se gas is Fanie Viljoen, een van Afrikaans se bekendste en gewildste jeugskrywers. Sy boeke word landswyd deur jong lesers verslind en verskeie van sy werke is ook voorgeskrewe boeke in skole. Hy verstaan nie net stories nie, hy verstaan jongmense, hul wêreld en wat hulle aandag regtig vasvang.
Kyk ook saam na die video van die gesprek:
