Wat beteken hierdie idiome?
Ons almal weet wat dit beteken as die appel nie te ver van die boom af val nie. Of om nie ’n gegewe perd in die bek te kyk nie. Maar hierdie idiome mag jou dalk ’n bietjie dieper laat dink.
Wors in ’n hondehok soek
Antwoord: Iets tevergeefs doen
‘n Gebraaide hoender vlieg niemand in die mond nie
Antwoord: ‘n Mens moet jou inspan om iets te kry / Sonder inspanning kry jy niks
Iemand het gebeklek en gestertswaai
Antwoord: Iemand het probeer om deur vleiery in iemand se guns te kom
Iemand het baie letters geëet
Antwoord: Iemand is baie geleerd
Iemand iets in die oor blaas
Antwoord: Iemand iets vertrouliks vertel
Te groot vir ‘n servet en te klein vir ‘n tafeldoek
Antwoord: Nie meer ’n kind nie, maar ook nie tuis as ’n volwassene nie
Bron: Spreekwoorde en waar hulle vandaan kom deur Anton F. Prinsloo. 2004. Pharos
