In hierdie boekekeur is die jongspan aan die beurt!
Van slaapstories tot woordeboeke tot boeke oor hoe om kleure en vorms te identifiseer, hier is iets vir almal. Kyk gerus na NB Uitgewers se toptienboeke vir voorskoolse kinders hierdie maand.
JY KAN WEN!
Een gelukkige leser staan die kans om weg te stap met My eerste tweetalige woordeboek/My first bilingual dictionary deur Miles Kelly.
Deel die plasing oor hierdie leeslys op Facebook om in aanmerking vir die prys te kom.
Die kompetisie sluit 25 September 2023.
Drake deel nooit!
Nicola Kinnear
ISBN-13: 9780798183130
Kan ‘n draak leer hoe om te deel? Rissie is ‘n baie soet draak. Sy volg al die reëls in die Reëlboek vir Drake: Sy steel by almal, en wil nie haar skatte met ENIGE IEMAND deel nie! Die ander diere het genoeg gehad. As hulle maar die draakreëls kon verander … ‘n Pragtige prenteboek oor die belangrikheid van deel, vertaal deur Jaco Jacobs.
Babadierestories: Nag, Apie
Magic Cat
ISBN-13: 9780798183161
Apie wil altyd die beste in alles wees. Maar hoogmoed kom voor die val en hy leer gou dat om ‘n goeie maatjie te wees die heel beste van alles is. Hierdie pragtige slaaptydboek met foto-illustrasies en eenvoudige stories sal jou kleinding in ’n kits droomland toe stuur.
Babadierestories: Nag, Eendjie
Magic Cat
ISBN-13: 9780798183154
Eendjie verlaat die nes op soek na avontuur . . . en verdwaal! Met die hulp van sy vriend, Padda, vind hy uit dat hy alles het wat nodig is om sy pad terug nes toe te vind – pootjies wat kan skop, veertjies wat hom warm hou wanneer hy swem en ‘n piepstemmetjie om Mamma Eend mee te roep.
Loer binne: Wilde diere
Really Decent Books
ISBN-13: 9780798183451
Hierdie kartonboek is die jongste toevoeging tot die Loer binne-reeks. Die tien lig-en-loerflappies is sterk genoeg vir die gryperigste klein handjies en sal keer op keer pret verskaf. Die lewendige illustrasies sal kinders se aandag behou en dit nog lekkerder maak om die wilde diere te ontdek. Kom kuier saam in die woestyn en in die woud!
Loer binne: Die plaas
Really Decent Books
ISBN-13: 9780798181082
Hierdie kartonboeke met tien lig-en-loerflappies gee aan kinders ‘n prettige geleentheid om meer oor die plaas uit te vind. Gaan kuier op die plaas en sien watter diere daar woon, watter verskillende plante geplant word en watter voertuie gebruik word. Gaan kuier in die stalle, die hoenderhok, by die varke en maak ‘n draai by die dam!
Leer van kleure saam met Ollie Olifant
Cuberdon
ISBN-13: 9780798183871
In hierdie boek propvol plakkers en aktiwiteite sal kleuters speel-speel meer leer van kleure. Prettige aktiwiteite hou die kleingoed besig – enige tyd, enige plek! Dis die perfekte pretboek om motoriese vaardighede te oefen en basiese konsepte te leer ken.
Leer van vorms en teenoorgesteldes saam met Krokkie Krokodil
Cuberdon
ISBN-13: 9780798183888
In hierdie boek propvol plakkers en aktiwiteite sal kleuters speel-speel meer leer van vorms en teenoorgesteldes. Kleurvolle aktiwiteite hou die kleingoed besig – enige tyd, enige plek! Dis die perfekte pretboek om motoriese vaardighede te oefen en basiese konsepte te leer ken.
My eerste tweetalige woordeboek/My first bilingual dictionary
Miles Kelly
ISBN-13: 9780798182638
Kinders kan hulle wêreld met hierdie prettige eerste woordeboek verken en die name van allerlei dinge rondom hulle leer. Elke bladsy is vol prente en dinge om te soek en oor te praat. Dié boeke is hardeband met volkleurillustrasies.
Verf en leer: 123
iSeek Ltd
ISBN-13: 9780798182928
Hierdie hardebandboeke het versteekte prente om te vind, na die syfers te kyk, en te tel! Kinders kan water oor die wit agtergrond verf en kleur sal verskyn. Die kleur sal weer verdwyn en die prente kan oor en oor gebruik word. ‘n Kwas word ingesluit!
Verf en leer: Kleure
iSeek Ltd
ISBN-13: 9780798182935
Hierdie hardebandboeke het versteekte prente om te vind sodat kinders na die kleure kan kyk! Kinders kan water oor die wit agtergrond verf en kleur sal verskyn. Die kleur sal weer verdwyn en die prente kan oor en oor gebruik word. ‘n Kwas word ingesluit!
Sal graag vir kleinseun wil wen