Uitmuntendheid is beloon by die jaarlikse Silwerskermfees

Tuis 5 Feeste 5 Uitmuntendheid is beloon by die jaarlikse Silwerskermfees
Silwerskermfeeste

Die jaarlikse Silwerskermfees is ʼn wonderlike geleentheid waartydens belowende rolprentmakers, oud en jonk, en draaiboekskrywers die geleentheid kry om hulle werk ten toon te stel. Sedert die eerste Silwerskermfees het die Afrikaanse rolprentbedryf behoorlik gebloei. Vanaf Woensdag 23 Augustus tot Saterdag 26 Augustus het almal geïnteresseerd in die Afrikaanse rolprentbedryf in Kampsbaai bymekaar gekom vir vanjaar se kykNET Silwerskermfees. Hierdie jaarlikse Silwerskermfees is ook die geleentheid waar aspirantrolprentmakers en -draaiboekskrywers die kans kry om hulle storie-idees vir ʼn kortfilmmentorskapsprogram in te skryf en wie weet, volgende jaar is daardie filmidee dalk van die kortfilms of speelfilms wat tydens die fees vertoon word.

Daar was vanjaar weer verskeie interessante en opwindende kortfilms en kortdokumentêre films op die program. Dit was ook die geleentheid vir die première van ʼn paar vollengte rolprente: Hans steek die Rubicon oor, Old Righteous Blues, Frankie en Felipé, Blindelings en Die tragiese saak van Pamina Vermaak. Vanjaar was die elfde keer wat hierdie geleentheid plaasgevind het en dit was ook die heel eerste Silwerskermfees waar daar ook benoemings was vir diegene wat werksaam is in die Afrikaanse televisiebedryf en wie se werk op kykNET uitgesaai is.

Op Saterdagaand 26 Augustus, tydens ʼn spogfunksie met spoggerige tabberds en kameras wat flits, is die wenners in vanjaar se kompetisie aangekondig tydens die gala-aand wat by die CTICC in Kaapstad gehou is. Van die wenners wat weggestap het met een van die gesogte beeldjies is akteurs en aanbieders soos Nataniël, Nicole Holm, Bianca Flanders, André Odendaal, Rian van Heerden, Roeline Daneel, Heindrich Wyngaard, Bertus Basson, Edwin van der Walt, Erica Wessels, Hannes van Wyk, Desiré Gardner en Dann-Jacques Mouton. Hans Steek die Rubicon oor, met Pierre van Pletzen in die hoofrol, is as die beste Speelfilm aangewys en Pierre het ook die trofee gekry as beste akteur in ʼn Speelfilm vir dieselfde fliek. Die beste televisieoomblik vir die jaar op kykNET was AB (Cedwyn Joel) en Mymoena Samsodien (Jill Levenberg) se troue.

Hier is ʼn volledige lys van al die wenners vir Film en Televisie:

Speelfilm: Beste produksie-ontwerp    

Dean Abrahams – Old Righteous Blues

Speelfilm: Beste oorspronklike klankbaan        

Edward George King – Old Righteous Blues

Speelfilm: Beste draaiboek      

Elanie Rupping, Bibi Slippers – Die tragiese saak van Pamina Vermaak

Speelfilm: Beste klankontwerp

Tim Pringle – Blindelings 

Speelfilm: Beste kinematografie          

Johannes Pieter Nel – Die tragiese saak van Pamina Vermaak

Speelfilm: Beste redigering      

Eva du Preez – Die tragiese saak van Pamina Vermaak

Kortfilm: Beste kinematografie

Alfonzo Franke – Die Blokke 

Kortfilm: Beste oorspronklike klankbaan          

Edward George King – Volle bors

Kortfilm: Beste klankontwerp  

Adriaan Drotsché (Audiopimps) – Die Swart Draak ontwaak

Kortfilm: Beste redigering        

Johannes Pieter Nel – Die Swart Draak ontwaak

Kortfilm: Beste produksie-ontwerp      

Burger Meyer – Karen

Kortfilm: Beste draaiboek        

Roxanne Blaise & Mujaahid Valley – Die Blokke

Kortfilm: Beste regie    

Emilie Badenhorst & Kanya Viljoen – ’n Doop om stilte

Beste dokumentêr       

Besmet

Dokumentêr: Beste regie         

Reginald Hufkie & Frankie Opperman – Langafstand

Dokumentêr: Beste redigering

Adi van der Walt – Besmet

Dokumentêr: Beste klankontwerp       

Call of the Wild – Renier van Niekerk

Spesiale Vermelding     Ensemble-spel – Straatrotte

Spesiale Vermelding     Garderobe – Old Righteous Blues

Spesiale Vermelding     Grafika – Straatrotte

Spesiale Vermelding     Choreografie en waaghalstoertjies – Die Swart Draak ontwaak

Spesiale Vermelding     Poppespel – Thrift tot die dood

Lewensbydrae  André Scholtz

Feesgunsteling Straatrotte                  

Beste ondersteunende rol in ’n drama 

Nicole Holm – Donkerbos

Speelfilm: Beste ondersteunende akteur          

Joshwin Dyson – Old Righteous Blues

Speelfilm: Beste ondersteunende aktrise         

Bianca Flanders – Frankie & Felipé

Beste nuweling in ’n telenovela of sepie          

Devonecia Swartz – Arendsvlei

Beste aanbieder: Kookprogram

Alfred Adriaan – Roer!

Beste aanbieder in ’n leefstylprogram  

Nataniël – Nataniël. Erik. Wolf.

Beste skurk in ’n telenovela of sepie    

André Odendaal – Binnelanders

Beste aanbieder in ’n speletjiesprogram          

Rian van Heerden – Wie word ’n miljoenêr

Kortfilm: Beste akteur 

Gershwin Mias – Die Blokke

Kortfilm: Beste aktrise 

Roeline Daneel – As

Beste aanbieder in ’n gespreksprogram

Heindrich Wyngaard – KLOP!

Beste aanbieder in ’n realiteitsprogram

Bertus Basson – In die sop

Beste akteur in ’n telenovela of sepie  

Dann-Jacques Mouton – Arendsvlei

Beste aktrise in ’n telenovela of sepie  

Cindy Swanepoel – Binnelanders

Beste TV-oomblik van die jaar  

Suidooster – Mnr. en mev. Samsodien se troue

Beste akteur in ’n komedie      

Desiré Gardner – Magda Louw

Beste aanbieder in ’n buitelug-aktiwiteitsprogram       

Dewald Visser – Mal kamper

Beste aanbieder in ’n joernaalprogram

Hannes van Wyk – Kwêla

Beste akteur in ’n drama          

Edwin van der Walt – Donkerbos

Beste aktrise in ’n drama         

Erica Wessels – Donkerbos

Beste TV-film   

Vuurdoop – André Velts Films

Beste ensemble-aanbiederspan

La’t wiel

Beste aanbieder in ’n aktuele program 

Lourensa Eckard – In gesprek

Beste kortfilm 

’n Doop om stilte

Persoonlikheid van die jaar      

Jonathan Rubain – Koortjies

Speelfilm: Beste regisseur        

Corné van Rooyen – Hans steek die Rubicon oor

Speelfilm: Beste akteur

Pierre van Pletzen – Hans steek die Rubicon oor

Speelfilm: Beste aktrise

Carla Smith – Die tragiese saak van Pamina Vermaak

 Speelfilm: Beste speelfilm

Hans steek die Rubicon oor

Daar is drie lewensbydraes tydens hierdie geleentheid toegeken:

Cedwyn Joel wat nog tot onlangs te sien was as AB Samsodien in die sepie Suidooster.

Freek Robinson, vermaarde nuusman.

Die vervaardiger André Scholtz is Saterdagoggend 26 Augustus by die Silwerskermfees se Tegniese Toekennings in Kampsbaai vir sy lewensbydrae vereer.

Bertus Basson is bekroon as aanbieder vir sy program In die sop.

Cedwyn Joel is vereer vir sy lewensbydrae tot die vermaaklikheidsbedryf.

Edwin van der Walt is die beste akteur met Donkerbos.

Lourensa Eckard is aangewys as beste aanbieder in ‘n aktuele program.

Nicole Holm is vereer as beste ondersteunende rol in ‘n drama vir Donkerbos.

Bianca Flanders het die trofee verower as Beste Ondersteunende aktrise in n Speelfilm.

Dann-Jacques Mouton is aangewys as beste akteur in ‘n sepie of telenovela.

Heindrich Wyngaard verower ‘n trofee as beste aanbieder in ‘n geselsprogram.

Hannes van Wyk is aangewys as beste aanbieder in ‘n joernaalprogram.

Freek Robinson is vir sy lewensbydrae vereer.

Met haar spel in Donkerbos is Erica Wessels aangewys as beste aktrise in ‘n drama.

Pierre van Pletzen verower die trofee vir beste akteur in ‘n Speelfilm as Hans in Hans steek die Rubicon oor.

by | Aug 30, 2023 | Feeste, Films, Kyk dit, TV

Deel hierdie plasing