Oor die afgelope paar jaar het kykNET se Silwerskermfees besonder baie beteken vir die Afrikaanse rolprentbedryf. Hierdie fees in Kampsbaai sluit dan gewoonlik af met ʼn glansryke toekenningseremonie waartydens die fees se beste films vereer word. Daar is ook toekennings vir akteurs en tegnici om sodoende eer te gee aan die wat dit verdien. Vanjaar gaan hierdie geleentheid nog groter wees, want vir die heel eerste keer deel kykNET ook Silwerskermfeesbeeldjies uit aan akteurs, aanbieders en televisiepersoonlikhede vir puik televisiewerk. Dit is vir televisievermaak wat tussen April 2022 en 31 Maart 2023 uitgesaai is.
Televisiekykers sal tuis kan kyk na hierdie eerste en skouspelagtige kykNET Silwerskermfeestoekennings vir Film en Televisie. Die gala-aand, wat op Saterdag 26 Augustus by die CTICC in Kaapstad plaasvind, word opgeneem en op Sondag 27 Augustus om 20:00 op kykNET, DStv-kanaal 144 uitgesaai.
Daar is 20 kategorieë vir die TV-deel van die Silwerskermfeestoekennings vir Film en Televisie. Daar word ook drie toekennings gemaak vir lewensbydraes. Vanjaar word daar op hierdie manier hulde gebring aan die geliefde akteur Cedwyn Joel wat vir jare die rol van AB Samsodien vertolk het in Suidooster, nuusman Freek Robinson wat vir 40 jaar al die hoogste standaard stel en handhaaf in die nuusmedia en vervaardiger André Scholtz wat al vir langer as 50 jaar rolprente maak.
Die benoemings vir die Silwerskermfees se beste films sal eers aan die einde van hul vertonings by die fees aangekondig word.
Hier is die volledige benoemingslys:
BESTE AKTEUR IN ’N KOMEDIE
Desiré Gardner – Magda Louw
Hannes van Wyk – Magda Louw
Ilse-Lee van Niekerk – Troukoors
Liane Heyl – Poena
Robbie Wessels – Poena
BESTE AKTEUR IN ’N DRAMA
Andahr Cotton – Dinge van ’n kind
André Samuels – Mooiweer en warm
Bobby van Jaarsveld – Spoorloos 4: Die Eiland
Edwin van der Walt – Fraksie
Edwin van der Walt – Donkerbos
BESTE AKTRISE IN ’N DRAMA
Erica Wessels – Donkerbos
Ira Blanckenberg – Mooiweer en warm
Izel Bezuidenhout – Spoorloos 4: Die Eiland
Melissa Myburgh – Dinge van ’n kind
Trix Vivier – Fraksie
BESTE ONDERSTEUNENDE ROL IN ’N DRAMA
Andre Weideman – Dinge van ’n kind
Hannes van Wyk – Spoorloos 4: Die Eiland
Nicole Holm – Donkerbos
Pierre van Pletzen – Fraksie
Tinarie van Wyk Loots – Mooiweer en warm
BESTE AKTEUR IN ’N TELENOVELA OF SEPIE
Clint Brink – Binnelanders
Dean John Smith – Suidooster
Dan-Jacques Mouton – Arendsvlei
Justin Strydom – Diepe Waters
BESTE AKTRISE IN ’N TELENOVELA OF SEPIE
Cindy Swanepoel – Binnelanders
Jill Levenberg – Suidooster
Jolene Martin – Arendsvlei
Nadia Valvekens – Diepe Waters
BESTE SKURK IN ’N TELENOVELA OF SEPIE
André Odendaal – Binnelanders
Irvine van der Merwe – Suidooster
Rehane Abrahams – Arendsvlei
Sandi Schultz – Diepe Waters
BESTE NUWELING IN ’N TELENOVELA OF SEPIE
Char Carrie – Suidooster
David Viviers – Binnelanders
Devonecia Swartz – Arendsvlei
Liam Bosman – Diepe Waters
BESTE AANBIEDER IN ’N JOERNAALPROGRAM
Bonné de Bod – Bewonder en bewaar met Bonné de Bod
Ewan Strydom – Bravo!
Hannes van Wyk – Kwêla
Leah – Duidelik Dapper
Lisa van Rooyen – Trend
Tracey Lange – Bravo!
BESTE AANBIEDER IN ’N LEEFSTYLPROGRAM
Anzél Rabie – Anzél in die Boland
Erns Grundling – Elders
Gerrie Pretorius – Leef jou reis
Henck Conrey – Vat jou goed en trek
Jak de Priester – Koppieteefontein
Nataniël – Nataniël. Erik. Wolf.
Shari Kennedy – Hokaai my meisie
BESTE AANBIEDER IN ’N REALITEITSPROGRAM
Bertus Basson – In Die Sop!
Edrien Erasmus – Groenste Vingers
Ewan Strydom – Plaasjapie
Leandie du Randt – Slank
Marciel Hopkins – Boer Soek ʼn Vrou
Schalk Bezuidenhout – Op My Eish!
BESTE AANBIEDER IN ’N AKTUELE PROGRAM
Kabous Meiring – Prontuit
Lourensa Eckard – In Gesprek
Mia Spies – Wie’s Nuus?
Theo Vorster – Sakegesprek
BESTE AANBIEDER IN ’N SPELETJIESPROGRAM
De Klerk Oelofse – Kyk wie praat
Early B – My Ma Kook Beter As Joune
Rian van Heerden – Wie word ʼn miljoenêr?
Ricky Schroeder – Jol met Ricky
BESTE AANBIEDER IN ’N GESPREKSPROGRAM
Aden Thomas – Sê jou sê
Divan Botha – Winslyn
Heindrich Wyngaard – KLOP!
Suzaan Steyn – Spreekkamer
BESTE AANBIEDER IN ’N BUITELUG-AKTIWITEITSPROGRAM
André de Villiers – 4×4 met André
Dewald Visser – Mal Kamper
Hennie Bosman – Wanderlus
Nicole Bosman – Wanderlus
Petri de Wet – Hier gaan ons alweer
BESTE AANBIEDER IN ’N KOOKPROGRAM
Alfred Adriaan – Roer
Henriëtte Marx – Net Koffie
Jan Scannell – Jan Braai
Tiaan Langenegger – Tiaan Proe
BESTE EMSEMBLE-AANBIEDERSPAN
eNUUS
Fiësta
Groot Ontbyt
L’at Wiel
Huppel in die stap
Ontbytsake
Oppiestoep
Toks & Tjops
Tussen Ons
Welvaartskeppers
BESTE TV-OOMBLIK VAN DIE JAAR
Binnelanders – At is dood
Kyk wie praat – Moet kinders betaal om skool toe te gaan?
Plaasjapie – Dian se wenoomblik
Suidooster – Mnr. en Mev. Samsodien trou
Spoorloos 4: Die Eiland – Slottoneel van reeks.
PERSOONLIKHEID VAN DIE JAAR
Francois Jacobs – Op My Eish!
Jonathan Rubain – Koortjies
Kiki La Coco – Die Real Housewives van Pretoria
Mel & Peet Viljoen – Die Real Housewives van Pretoria
Nataniël
BESTE TV-FILM
Dina Dagbreek
Elsa en Magriet
Snuf in die Neus
Sonversamelaar
Vuurdoop
LEWENSBYDRAE
Cedwyn Joel
Freek Robinson
André Scholtz
Gesels saam oor die Silwerskermfees op Twitter, Facebook en Instagram – @silwerskermfees.co.za en gebruik die hutsmerk #silwerskermfees.
