44 vrae met antwoorde oor Afrikaans

Kyk hoeveel jy reg het.

Vrae met antwoorde:

1. Hoe oud word Afrikaans (as amptelike taal) in 2025?
   100 jaar (8 Mei 1925)
2. Watter monument in die Paarl vier die ontstaan en voortbestaan van Afrikaans?
   Taalmonument
3. Wat was die oorspronklike naam vir Afrikaans?
   Afrikaans-Hollands
4. Wie het die eerste Afrikaanse skool in Suid-Afrika tot stand gebring?
   Die Moslem-gemeenskap/Moesliem-gemeenskap
5. Daar was ‘n behoefte om Afrikaans as skryftaal te ontwikkel. Wanneer is die vereniging, Die Genootskap van Regte Afrikaners (GRA), gestig?
   14 Augustus 1875
6. De Bode (reeds in 1859 in Genadendal uitgegee) was ‘n koerant wat tekste en briewe in Afrikaans bevat het, maar die eerste volwaardige Afrikaanse koerant het op 15 Januarie 1875 verskyn, Wat was die naam van die koerant?
   Die Afrikaanse Patriot
7. Wanneer is Die Huisgenoot (toe bekend as De Huisgenoot) die eerste keer uitgegee?
   1916
8. In watter jaar het Afrikaans ‘n amptelike skooltaal geword?
   1914
9. Die eerste Afrikaanse vroueblad het in 1919 verskyn. Wat was die naam van die blad?
   Die Boervrou
10. Die gedagte vir ‘n Afrikaanse Taalmonument het reeds in 1942 posgevat. Wanneer is die monument op Paarlberg amptelik ingewy?
    1975
11. Die eerste Afrikaanse resepteboek, Di Suid-Afrikaanse kook-, koek-, en resepteboek is deur ‘n Engelse dame geskryf en het in 1891 verskyn. Wat was haar naam?
    EK Dijkman
12. Afrikaans het ongeveer 7 miljoen sprekers – wat dit tans die … grootste taal in Suid-Afrika maak.
    Derde/3e
13. Anglisisme: As ‘n mens oor iets wil praat, sê jy in Engels “you bring something up”. Wat is die korrekte Afrikaanse uitdrukking hiervoor?
    Jy haal dit op.
14. Watter variëteit van Afrikaans word veral in die Wes-Kaap gepraat?
    Kaaps
15. Waar het die woorde “abba”, “eina” en “boegoe” hulle oorsprong?
    Die Khoi-Khoin/Khoi-bevolking
16. Waar kom die woorde “blatjang”, “bobotie” en “sosatie” vandaan?
    Die Ooste en Portugal
17. Wat beteken die gesegde: “Bietjie baard maar klipsteenhard?”
    Gesê van ’n geslepe of ervare persoon
18. Wat beteken die uitdrukking: “Die geel pers.”
    Dit is koerante en tydskrifte wat meestal ongegronde sensasieberigte publiseer
19. Wat/Wie is ‘n Jan Salie?
    ’n Sukkelaar
20. Hoe is iemand wat ‘n uilskuiken is?
    Baie dom
21. Spelling: Reg of verkeerd? komitee
    Reg
22. Spelling: Reg of verkeerd? akkomodasie
    Verkeerd – akkommodasie
23. Spelling: Reg of verkeerd? Mansskoene
    Verkeerd – manskoene
24. Spelling: Reg of verkeerd? Huistoe
    Verkeerd – huis toe
25. Meervoud vir mamma
     mammas
26. Meervoud vir pa
    pa’s
27. Waarvoor staan die afkorting BSc? (Latyns)
    Baccalaureus Scientiae
28. Waarvoor staan die afkorting do.?
    ditto
29. Wat noem mens ‘n inwoner van die Filippyne?
    Filippyn/Filippyner
30. Wat noem mens ‘n inwoner van Wene?
    Wener
31. Waarvoor staan die SI-simbool kg/mᶾ
    Kilogram per kubieke meter
32. Skryf die fout in die volgende sin neer: “My geliefkoosde afdeling by die dieretuin is die groot kat-afdeling.”
    grootkatafdeling (1 woord)
33. Skryf die korrekte vorm van die woord neer: Hy praat sommer padlangs/pad langs.
    padlangs (een woord)
34. Kies die korrekte spelling van die woord: beginnersxhosa OF Beginnersxhosa OF beginners-Xhosa.
    Beginnersxhosa
35. Kies die korrekte spelling van die woord: Ek waardeer/waardeur jou insette.
    waardeer
36. Voltooi die volgende frase uit die bekende digter DJ Opperman se gedig: “Sproeireën”. My nooi is in ‘n nartjie,/my ouma in …,/
    kaneel
    
37. Wie het die gedig, “Ma, ek skryf vir jou ‘n gedig”, geskryf? Wenk: Sy is op 23 Oktober 1952 gebore en is dus vanjaar (2022) 70 jaar oud.
    Antjie Krog
38. Hy het die oorspronklike “Die Stem van Suid-Afrika” in 1918 geskryf. Vandag is daar steeds ‘n gedeelte opgeneem in “Nkosi Sikelel’ iAfrika”.
    CJ Langenhoven
39. Wie staan bekend as “Die liedjieboer”? Wenk: Kruidjie-roer-my-nie is een van sy treffers.
    Anton Goosen
40. Wie het die treffer Tussen die lakens geskryf/gesing? Hierdie kunstenaar het in Despatch in die Oos-Kaap grootgeword.
    Elandré Schwartz
41. Wie was die regisseur en mededraaiboekskrywer van die 2014- Afrikaanse rolprent “Faan se trein” gebaseer op die verhoogstukke “Faan se trein” en “Faan se stasie”, deur Pieter Fourie?
    Koos Roets
42. Wie was die regisseur en skrywer van die 2015-rolprent, “Abraham”?
    Jans Rautenbach
43. Wie is die skrywer van die kinderavontuurverhaal “’n Goeie dag vir boomklim”?
    Jaco Jacobs
44. Wie was die stem van Haas Das in die weeklikse kort TV-program in die 70’s – “Haasdas se nuuskas” – geskep deur Louise Smit? Wenk: Hy was een van ons bekendste nuuslesers.
    Riaan Cruywagen