In hierdie podsendingreeks gesels Afrikaans.com met merkwaardige persone binne die Afrikaanse leefwêreld. Ons bied jou ’n blik op jou gunstelingbekendes op maniere soos jy hulle nog nooit vantevore kon leer ken nie, en stel jou ook bekend aan nuwe name, projekte en idees.
In hierdie episode gesels aanbieder Edwin van der Walt met die akteur Arno Greeff (Blood & Water, Vaselinetjie, Binnelanders).
Hulle gesels oor:
- Weerloosheid en selfkennis.
- Die Netflix-reeks Blood and Water.
- Risiko’s neem.
- Die impak van ’n mens se grootwordjare.
- Covid-19 en hoe hy positief bly.
Edwin van der Walt is ‘n akteur, aanbieder en entrepreneur. Sedert hy vir die eerste keer gehore se harte in 2014 in die romantiese komedie, Hollywood in my Huis, gesteel het, het ‘n rits lokettreffers gevolg. In films soos Jagveld, Wonderlus, Ballade vir ‘n Enkeling en Die Pro het hy sy diversiteit as kunstenaar ten toon gestel en die respek van die industrie sowel as aanhangers gewen. Dit is egter die man agter die karakters, Edwin self, wat deesdae groot golwe maak. Onder sy vriende, en nog meer onder die publiek, word hy geken as ‘n persoon wat verbetering van self en van ander voorop stel. Edwin leef sy passie hiervoor ook uit op die platform Novieguide , waar ‘n verskeidenheid aanlyn kursusse gekoop kan word.
Arno Greeff is ‘n akteur. Hy is tans te sien in die Netflix-reeks Blood & Water. Hy is ook bekend vir sy rolle in Vaselinetjie, Die Pro, en Binnelanders. Hy het ook vantevore agter die kameras gewerk (as enkel kameraman en redigeerder!) op KYKnet se Leef Jou Reis.
