Vrouwees is nie maklik nie … nog minder wanneer ’n mens ’n mamma word. Tog is dit ook een van die grootste voorregte en leerskole binne ’n mens se leeftyd. Sommiges beweer dat die taak van ouerskap oor die afgelope jare selfs moeiliker geword het. Hoe berei ’n mens jou kind voor vir ’n onbekende en snelveranderende wêreld? En is Afrikaans die regte taal om dit in te doen?
Sluit op 7 Augustus 2020 by ons aan vir ’n gratis webinaar wat hierdie vrae binne die milieu van die toekomstige besigheidsomgewing, huidige leeromgewings, taalerfenis en die toekoms van die taal ondersoek. Die paneellede is almal sterk vroue wat ’n verskil in hulle onderskeie leefwêrelde maak.
Waar, wanneer, en hoe?
Datum:
7 Augustus 2020
Tyd:
10:00 – 11:30
Hierdie webinaar word deur die Afrikaanse Taalraad aangebied, en trots deur Afrikaans.com ondersteun.
Registreer by https://us02web.zoom.us/webinar/register/WN_-aqJAjpDQUG-lk84R11B5g om by te woon. ‘n E-pos met ‘n unieke skakel sal outomaties aan jou gestuur word na registrasie. Neem asseblief kennis dat spasie beperk is. Die gesprek sal wel later op Afrikaans.com en die Afrikaanse Taalraad se platforms beskikbaar gestel word.
Vir meer inligting oor die sprekers en temas, klik hier.
Die Afrikaanse Taalraad bevorder Afrikaans en sy sprekers in hulle volle diversiteit. Leer meer oor die belangrike organisasie, klik hier.
