Wanneer jy tuiskom in JOU Afrikaans

Ek wil – Willem Fransman

Ek wil’ie fênsie poetry skryf’ie

Oekie special expressions gebryk’ie

Net skryfe in my Taal

Soos o’se mêne ‘it praat!

Roep’t wat djy wil, bu o’s call’it

Streetpoetry en ek sê soema:

Straatpraat of Township Afrikaans

Ek wil skryf

van o’se feelings

van o’se fears

van o’se joys

van o’se sadness

van o’se frustrations

van o’se ambitions

In o’se Township Afrikaans

Ek wil skryf

vi o’se oue’s

vi o’se suste’s en broe’s

vi o’se kinnes

vi o’se bra’se

vi o’se communities

oek vir o’se  Non Black vrinne …

Soelat ammal my kan ve’staan en ‘it kan enjoy

Soe, as djy nie O’se Taal ve’staan nie,

En djy djou upstairs wil hou

Oo’ djou grênd Ofrikons:

Dan sê o’s poelitely:

Vra net die meaning van ’n wid,

Soe nie, dan tatta djy an

But, moet’ie vi’ ‘os ‘ko ‘djudge ‘ie

Cause ‘os skryf Afrikaans soes

O’s ‘it inni Townships praat

In 1997 is hy die eerste wenner van die RSG/Sanlam-radiodramakompetisie met Om te bedel is ’n kuns. Ander opdrag-radiodramas is Die belofte in ’n skilpaddop (die verhaal van Sarah Baartman in die vreemde) en Martelaar van Calvinia (verhaal van die bruin versetleier, Abraham Esau, gedurende die Anglo-Boereoorlog).

Die volgende dramas uit sy pen is al by kunstefeeste opgevoer: Om te bedel is ’n kuns (1999), Die mense van Langesaan (2000), Leipoldt soos nog nooit vantevore (2004-opdragwerk), Ma se melk (2005) en Paljas van Dirk Ligter (2006-opdragwerk).

Fransman is ook ’n grafiese kunstenaar, rubriekskrywer vir Die Burger en Kaap Rapport, kortverhaalskrywer, digter en storieverteller. Hy is ’n stigterslid en tans nasionale voorsitter van die Afrikaanse Skrywersvereniging.