Jeremy Vearey se storie is ’n bondel taaldinamiet

Jeremy Vearey – skrywer van Jeremy vannie Elsies.

Anastasia de Vries beskryf Jeremy Vearey se boek, Jeremy vannie Elsies,  as hardegat …’n boek wat die veelkantigheid van Afrikaans uitbeeld. Dit strek verder as die taal. Op ‘n slim wyse word die historiese dokument ‘n biografie binne ‘n autobiografie.

Die boek is op 31 Mei by die Book Lounge in Kaapstad bekend gestel en NB-Uitgewers het saam met die Afrikaanse Taalraad seker gemaak dit is ’n vol saal … Dit is ’n diep, persoonlike storie wat vertel word in die taal van die mense van Elsiesrivier … ‘n bondel taaldinamiet wat ’n egte prentjie van ons taallandskap teken.

Jeremy Vearey sê die klem van die titel val op “vannie Elsies”… sy ‘komvandaan’ …met spesifiekse klem op hoe die plek hom gevorm het … hoe hy saam met die skrywe groei van eerstepersoonvertelling na derdepersoonvertelling, want dinge is altyd in wording. Ons skep ons lewenspad saam met ander.

Feite maak geskiedenis, maar hierdie boek is ‘n sosiale herkonstruksie van sy lewe waarin niks absoluut is nie, want ons herskep en herinterpreteer in ons eie skeppingsproses van lewe. Iemand  anders sou dieselfde storie heeltemal anders vertel.

Opvallend is sy spel en intertekstualiteit met skywers soos N.P. van Wyk Louw. Begrippe soos die ‘oop gesprek’ en ‘lojale verset’ laat die invloed van sterk skrywers se werke deurskemer. Hy verwys na Elsies asof die ‘n mens is … Jeremy triomfeer met sy slim gebruik van Standaardafrikaans wat sy aan sy met Kaaps deur die boek gebruik word. Die verbuiging van byvoeglike naamwoorde en begrippe moet ons nie verbaas nie… op die vlakte is dit die gewone praattaal.

Die storie …

Van laaitie tot politieke kryger, bandiet tot generaal-majoor, ondergrondse operateur tot presidensiële lyfwag …

Van sy kleintyd in Elsiesrivier neem Jeremy Vearey se lewe talle onvoorspelbare wendings.

Sy eiesoortige vertelling sluit die ouer manne van sy jeug in, die ooms by die damstafel, kerkjeugkampe en die Kommuniste-manifes, skoolhou en ondergrondse werk vir MK, en sy aanhouding op Robbeneiland. As Mandela se lyfwag help hy ’n opstand in die Karoo ontlont, voor hy deel word van die nuwe SAPD, waar hy saam met die gewese vyand terrorisme en Kaapse bendes takel.

En onder alles loop ’n donker stroom.

“’n Baasspeurder met ’n vlymskerp pen.” – Jacques Pauw

“Die boek sal jou ontroer, laat lag, laat kopskud en laat nadink, maar bowenal sal dit jou elke nou en dan laat vergeet om asem te haal. ’n Outobiografie wat in die riller-afdeling hoort.” – Nathan Trantraal

“Ontstellend goed. Ek kon dit nie neersit nie; ’n bondel dinamiet.” – Riaan de Villiers

“’n Vars stem oor ’n lewe op die snykant.” – Tobie Wiese

Anastasia de Vries – dosent aan die Departement Afrikaans en Nederlands by die Universiteit van Wes-Kaapland (UWK).

Conrad Steenkamp en Ria Olivier (Afrikaanse Taalraad) saam met Jeremy Vearey, Hendrik Theys, Danny Titus (ATKV) en Danie Botha (NB-Uitgewers).

Anastasia de Vries in gesprek met Jeremy Vearey.

Lekker lees lê voor – Jeremy Vearey onderteken sy boek tydens die boekbekendstellingsgeleentheid.

Japie Gouws, Conrad Steenkamp en Izak de Vries (Lapa-Uitgewers).

Teksredakteur: Kristin Paramoer.

Dit was ’n stampvol saal en ’n opgewonde en meelewende gehoor tydens die bekendstellingsfunksie van Jeremy vannie Elsies by The Book Lounge in Kaapstad.

Sunesh Indhur en Felicity Steenkamp ontvang hul boeke en ’n spesiale boodskap van die skrywer.

Yulanda Gombard met haar kopie.

Kyk hier na die bekendstelling van die boek.

Stuur ‘n whatsapp-stemboodskap wat sê waarom Afrikaans vir jou onmisbaar is na 064-652-6873.

Ons wil weet waarom Afrikaans vir jou belangrik is en watter waarde jou taal tot jou lewe toevoeg. Jy hoef nie ‘n toespraak voor te berei nie … net ‘n sin of twee, jou naam en van watter geweste jy is.

Koester jou hartstaal!